Сезоната на Стрелец започнува на 22 ноември и трае до 21 декември. Тоа е период кога Сонцето поминува низ знакот на Стрелецот и кога се чувствува пораст на енергијата, оптимизмот и желбата за нови почетоци.
Оваа сезона носи бран на авантуризам, вера и ширење на хоризонтите. По длабоките и емотивни искуства што ги донесе Шкорпијата, Стрелецот нè потсетува дека животот има смисла само ако веруваме, истражуваме и растеме. Овој астролошки период ќе влијае најповолно врз Стрелците, Лавовите и Овните.
Потреба за слобода
Ова е време кога душата копнее по движење – било физички, преку нови патувања и култури, било духовно, преку учење и нови идеи. Енергијата на Стрелецот ја буди потребата за слобода, искреност и храброст да се тргне по патот на сопствената вистина.
Во овој период луѓето стануваат поотворени, духовити и подготвени да ризикуваат, додека секојдневните грижи изгледаат помалку важни во споредба со поголемата слика на животот.
Вера во подобро утре
Под владеење на Јупитер – планетата на среќата и проширувањето – ова е време да се верува во подобро утре, да се учи од искуствата и да се следи внатрешниот компас кој води кон смисла и радост.
Сезоната на Стрелец потсетува дека животот е авантура и дека секоја искрена потрага по вистината е веќе чекор кон среќата.
Најмногу корист од овој период ќе имаат Стрелците, Лавовите и Овните.
СТРЕЛЕЦ
Идеален период за патувања, промена на навики и нови деловни иницијативи. Ќе се покажете како одличен организатор и лидер на проекти.
ЛАВ
Пред вас е убав период за нови познанства или почеток на романса. Можно е да запознаете личност од странство или да обновите стара љубовна искра.
ОВЕН
Сонцето во Стрелец ви носи можност за далечно патување и нови животни искуства. Можно е и менување на вашата животна филозофија, што ќе ви го насочи животот во позитивен правец.
