Новоименуваната амбасадорка на Народна Република Кина во Република Македонија, Џијанг Сјаојан, денеска оствари своја прва работна посета на општина Битола.
Амбасадорката беше пречекана од градоначалникот Тони Коњановски, а во текот на средбата таа изрази големо задоволство од посетата и беше воодушевена од архитектонската убавина на Битола.
Градоначалникот Коњановски ја истакна богатата културна и историска традиција на градот, додека амбасадорката посочи дека е од особено значење една земја да го чува своето минато и традиција, нагласувајќи ја важноста на зачувување на културното наследство.
Средбата ја потенцира важноста на дипломатските односи и можностите за соработка меѓу Македонија и Народна Република Кина.
