Општинската изборна комисија на Брвеница му го додели уверението на Јовица Илиевски, со што тој од денес официјално започнува со работа во рамки на својот втор мандат како градоначалник.
Илиевски по доделувањето истакна дека ќе продолжи со работа со истото темпо како во првиот мандат, со фокус на заедништво и соработка меѓу сите заедници во општината.
– Ќе продолжиме со работа, со заеднички сили, без поделби и без предрасуди. Имаме започнати проекти кои ќе ги завршиме, а Општина Брвеница ќе продолжи да биде општина за сите – Македонци, Албанци и останати, рече Илиевски.
Градоначалникот нагласи дека приоритет останува реализацијата на започнатите проекти и создавање на средина каде што сите жители ќе се чувствуваат еднакво вклучени во развојот на општината.
