Украинскиот претседател Володимир Зеленски предупреди дека Русија не планира да ја запре војната и дека веќе подготвува голема агресија на европскиот континент, најверојатно во 2029 или 2030 година.
На својот канал на Телеграм, Зеленски истакна дека зголеменото производство на руско оружје укажува дека Москва не е подготвена да ја заврши војната против Украина.
„Со оглед на ситуацијата на бојното поле, не гледаме дека Русија сака да запре. Проблемот е што кога ја гледаме руската воена индустрија, гледаме дека тие го зголемуваат своето производство. И, според наша проценка, тие сакаат да ја продолжат оваа војна“, изјави Зеленски, пренесе Укринформ.
