Скопје

Ѓорѓиевски: Ребалансот на буџетот го зајакнува Скопје со нови инвестиции и помал дефицит

Со еден глас против и еден воздржан, Советот на Град Скопје денес го изгласа ребалансот на Буџетот, кој, според градоначалникот Орце Ѓорѓиевски, претставува почеток на консолидацијата на финансиската состојба во градот и јавните претпријатија.

Ребалансот предвидува намалување на буџетскиот дефицит за 928,5 милиони денари и зголемување на капиталните инвестиции за речиси 98,9 милиони денари. Градоначалникот нагласи дека ова значи крај на нерационалните задолжувања и фокус на нови решенија и проекти.

Во делот на јавниот превоз, Ѓорѓиевски најави враќање на приватните превозници и соработка со Министерството за транспорт за оживување на Градскиот воз. Во тек е и постапката на Владата за набавка на 80 нови автобуси, а градот стартува со разгледување на БРТ-системот.

Во образованието се најавени нови спортски терени, фитнес-зони, смарт-табли, информатички кабинети и обезбедување лаптоп за секој првенец на генерација до крајот на годината.

Ребалансот овозможува и почеток со реализација на повеќе зелени проекти, меѓу кои парковите „Христијан Тодоровски – Карпош“, „Лепенец“, како и изградба на 50 нови помали паркови ширум градот.

Во инфраструктурата, градот стартува со реконструкција на улицата „Фрањо Клуз“, изградба на кружниот тек во Ѓорче Петров, третата лента на булевар „Александар Македонски“, првата фаза од булевар „Хрватска“, булевар „АСНОМ“ и клучката кај „Момин Поток“.

Дополнително, обезбедени се средства за проектна документација за повеќе сообраќајни решенија, како и за експропријација која ќе го отвори патот за поголеми булеварски проекти, вклучувајќи го и булеварот „Борис Трајковски“.

Градоначалникот побара поддршка од граѓаните, нагласувајќи дека Скопје излегува од период на стагнација и дека ребалансот претставува прв, но значаен чекор кон обновата на главниот град.

Скопје

Скопската железничка станица се враќа во живот по две децении

Еден од приоритетите на новата влада е вложувањето во инфраструктурата, вклучително и железничкиот сообраќај, како товарен така и патнички. Покрај набавката на нови локомотиви и вагони, значајна инвестиција е обновата на железничката станица во Скопје, која ќе ја врати својата функција од пред 15-20 години, кога објектот се руинираше и стана нефункционален.

Почна чистењето и средувањето на станицата, информираше директорот на Железница Инфраструктура, Синиша Ивановски. „Со цел враќање на автентичниот изглед на станицата, започнавме со отстранување на сите билборди, светлосни реклами и други информативни панели кои години наназад го нарушуваа изгледот на објектот“, напиша Ивановски на својата Фејсбук страница и им се заблагодари на компаниите кои се согласиле да ги тргнат билбордите.

Проектот ќе се реализира во фази и ќе заврши со генерално чистење на надворешниот изглед на станицата и поставување соодветна илуминација.

Скопје

Започна редизајнот на железничката станица во Скопје

Скопје – Почна чистењето и средувањето на железничката станица во Скопје, информираше директорот на Железница Инфраструктура, Синиша Ивановски.

„Со цел враќање на автентичниот изглед на станицата, започнавме со отстранување на сите билборди, светлосни реклами и други информативни панели кои години наназад го нарушуваа изгледот на објектот“, напиша Ивановски на својата Фејсбук страница. Тој им се заблагодари на компаниите кои се согласиле да ги тргнат билбордите.

Проектот ќе се одвива во фази и ќе заврши со генерално чистење на надворешниот изглед на станицата и поставување соодветна илуминација, посочи директорот.

Скопје

Голем дефект на „Крсте Мисирков“ – утре без вода клучни институции и делови од центарот на Скопје

Утре од 7 часот наутро значаен дел од централното градско подрачје ќе остане без вода поради дефект на водоводната линија на булевар „Крсте Мисирков“, соопшти ЈП „Водовод и канализација“ – Скопје.

Прекинот ќе ги опфати објектите на МАНУ, Основен суд 2, Младинскиот културен центар, Универзитетската библиотека „Св. Климент Охридски“, Универзитетот „Св. Кирил и Методиј“, трговскиот центар „Мавровка“, делови од Старата скопска чаршија, Саат-кулата, улицата „Отокар Кершовани“, Адвокатската улица и дел од булевар „Крсте Мисирков“.

Од претпријатието информираат дека екипите ќе работат интензивно на терен и дека водоснабдувањето ќе биде вратено веднаш по отстранување на дефектот.