Свет
Поранешниот шеф на МИ6: Путин нема намера да склучи мировен договор во Украина – има други планови
Поранешниот шеф на британската разузнавачка служба МИ6, Ричард Мур, изјави дека најновите разузнавачки процени укажуваат оти рускиот претседател Владимир Путин нема намера да постигне мировен договор со Украина, објави Блумберг.
Мур смета дека е неопходно зголемување на притисокот врз Кремљ, а Западот – како што вели – треба значително да ја засили поддршката за Украина доколку сака да го принуди Путин на вистински преговори.
Во гостувањето во емисијата „Шоуто на Мишал Хусеин“ на Блумберг, Мур истакна дека рускиот претседател „не е подготвен за договор под актуелните услови“, повикувајќи се на информации од разузнавачките структури до кои имал пристап пред неколку недели.
Неговите оценки се поклопуваат со неодамнешните анализи на американските разузнавачки агенции, кои предупредуваат дека Москва продолжува да ја води инвазијата со целосен интензитет.
Мур, кој ја напушти функцијата во септември, нагласи дека однесувањето на Путин не е мотивирано од територијални интереси, туку од стремеж да ја претвори Украина во држава што би личела на Белорусија – политички зависна и под силно руско влијание.
Тој додаде дека кинескиот претседател Си Џинпинг „многу внимателно“ ја следи реакцијата на Западот, предупредувајќи дека секое колебање во поддршката за Украина може да влијае врз идните постапки на Пекинг во Јужното Кинеско Море, но и во однос на Тајван.
Според поранешниот директор на МИ6, во администрацијата на американскиот претседател Доналд Трамп се забележува „еволуција на размислувањето“ за Путин, при што рускиот лидер, како што вели Мур, се обидува да „манипулира и наметнува“ преговарачки позиции во своја корист.
Како ефикасен начин за зголемување на притисокот врз Москва, Мур наведува дозволување на Украина да користи оружје со долг дострел, дополнително зајакнување на воздушната одбрана, како и финансиска поддршка за украинската одбранбена индустрија.
Тој истакна дека Западот мора да има стратешка трпеливост и доследност за да го зачува единството меѓу сојузниците. Во интервјуто се осврна и на британско-кинеските односи, оценувајќи дека Лондон и Пекинг треба да најдат решение околу дипломатските мисии, иако – како што рече – кинеските шпионски активности во Велика Британија се „немилосрдни“.
Мур ја негираше можноста да стане амбасадор на Велика Британија во САД и ги коментираше пошироките безбедносни политики на неговата земја, вклучително и употребата на дронови и ставовите кон американските операции во Карибите.
-
Република7 days agoТЕТОВО ВО НОВO-ОБJАВЕНИ ДОКУМЕНТИ НА ЦИА
-
Црна Хроника5 days agoПолициска акција: Уаспени Украинки во Горно Седларце – МВР со детали
-
Црна Хроника2 days agoОбид за кражба завршил со пожар во Брвеница – Полицијата со детали
-
Балкан1 day agoДрама во Србија: БМВ се заби во камион, возачот со цигара тврди: „Не знам, ме удри камион“ (ВИДЕО)
-
Црна Хроника3 days agoПолицијата го лоцираше украденото „Ауди“ за неколку часа – младиот тетовец уапсен!
-
Република5 days agoЕве од кога ќе почнат да работаат камерите од „Безбеден град“ во Тетово и Куманово
-
Магазин6 days agoРазрешена вековната дилема: Научниците конечно потврдија каде е погребан Филип Втори Македонски
-
Скопје4 days agoСекое застанување на булевар на „пет минути“ ќе се санкционира, вели Топаловски