Вицепремиерот Александар Николоски со својот говор го отвори Виенскиот економски форум, платформа од стратешко значење за продлабочување на регионалната економска соработка меѓу земјите „од Јадран до Црно Море“.
Форумот ги обединува деловната заедница, институциите и политичките претставници со цел развој на заеднички иницијативи во инфраструктурата, енергетиката, дигиталната трансформација и иновациите. Во своето излагање, Николоски ја потенцираше важноста на стабилниот економски дијалог и истакна дека Северна Македонија останува посветен партнер во напорите за подобрување на инвестициската клима и унапредување на регионалните економски текови.
