Македонија

Овој мал уред ви ја троши струјата без да знаете – исклучете го навечер и сметката драстично паѓа!

Веројатно никогаш не сте помислиле дека еден скромен рутер за интернет може да троши толку многу струја, но ако е вклучен 24 часа дневно, неговата потрошувачка речиси се изедначува со уште еден мал фрижидер во домот. Германската Сојузна агенција за заштита на животната средина предупредува граѓаните внимателно да го проверуваат енергетскиот профил на рутерот пред да го купат и да избираат модели со најмала потрошувачка, и во работа и во стенд-бај режим.

За дополнителна заштеда, се препорачува употреба на рутер кој има опција за автоматско гасење на Wi-Fi сигналот кога не се користи. Многумина не знаат дека апаратите трошат струја и кога се „во мирување“, па затоа експертите советуваат редовно исклучување на сите уреди што моментално не се користат — како што е и полначот за мобилен телефон.

Исто важи и за дигиталните ТВ-приемници, кои продолжуваат да примаат сигнали и по исклучување на телевизорот. Според експертите, ако го исклучите само телевизорот, а приемникот остане активен, тој и понатаму троши околу 22 вати дневно.

Компјутерите — и статичните и лаптопите — се меѓу најголемите „скриени“ потрошувачи. Доколку не сакате да ви „извлечат“ и до 95 вати дневно, најдобро е целосно да ги исклучувате од штекер. Оставањето на стенд-бај режим само ја зголемува потрошувачката.

Македонија

Божиновска присуствуваше на шведската прослава на светлината

Вечерва Сања Божиновска присуствуваше на традиционалниот концерт во чест на Санта Луција, кој го организираше Шведската амбасада. Празникот е симбол на светлина, топлина и надеж во најтемните нордиски ноќи.

„Секогаш е убаво кога една традиција носи порака која допира подалеку од границите – дека светлината ја создаваме самите, и дека најмногу ни е потребна токму во студените, тивки моменти од годината“, изјави Божиновска.

Таа изрази благодарност до амбасадата за прекрасната атмосфера и можноста да ја почувствува оваа уникатна шведска традиција, која најавува доаѓањето на Божиќ со радост, музика и светлина.

Македонија

Сообраќајот на Евзони повторно во прекин од 17 часот

АМСМ информира дека од 17 часот повторно е блокиран сообраќајот на Граничниот премин Евзони (ГП Богородица).

Според последните информации, сообраќајот на државните патишта се одвива непречено, по суви коловози и со умерен интензитет надвор од градските средини. На македонските гранични премини нема подолги задржувања за влез или излез од државата.

АМСМ апелира до возачите да возат со прилагодена брзина, да ја почитуваат поставената сигнализација и да бидат особено внимателни на патиштата низ котлинските и клисурните делови, каде што постои ризик од одрони. Најкритични се делниците Катланово – Велес, Маврово – Дебар – Струга, Виница – Берово и Кочани – Делчево.

Македонија

Студентите имаат уште десет дена за апликација за ваучери

Министерството за дигитална трансформација потсетува дека студентите имаат рок до 20 декември 2025 година да аплицираат за ваучери за електронски уреди.

Досега се доделени 42.606 ваучери, од кои 27.426 веќе се искористени. Во рамките на владината програма, предвидени се вкупно 55.000 ваучери за студенти на додипломски студии запишани во учебната 2025/26 година.

Ваучерите можат да се искористат најдоцна до 31 декември 2025 година.