На 14 ноември, во Градската општа болница „Св. Наум Охридски“ била примена 46-годишната Љ.И. од Скопје, со прострелна рана во десната нога.
Според пријавата на нејзиниот син, 21-годишниот Д.И., инцидентот се случил на 13 ноември околу 17:00 часот во нивната викенд-куќа во село Брест, скопско. Тој во дворот гаѓал мета со воздушна пушка, но, не забележувајќи ја мајката која минувала покрај него, случајно ја погодил во ногата.
Полицијата презема мерки за целосно расчистување на случајот и утврдување на сите околности.
