Под влијание на серија влажни воздушни бранови, до крајот на седмицата Македонија ја очекува променливо облачно и релативно топло време со повремени врнежи од дожд. На одредени места врнежите ќе бидат пообилни, со можност за локално невреме проследено со засилен ветер кој може да надмине 60 km/h и ретки грмежи.
Во период од 24 часа се очекува во поединечни подрачја да наврнат над 30 литри дожд на квадратен метар. Притоа ќе дува умерен до засилен јужен ветер.
И главниот град ќе биде зафатен од нестабилното време. Во Скопје се прогнозира променливо облачно време со повремени врнежи, кои во дел од котлината може да достигнат од 15 до 25 литри на квадратен метар. Ќе дува умерен, а повремено и засилен јужен ветер.
