Денеска во Битола започна обновата на пешачките премини на поголемите сообраќајници, со цел зголемување на безбедноста во сообраќајот. Екипите на надлежните служби работат на освежување на хоризонталната сигнализација, а од Општината најавуваат дека активностите ќе продолжат и во наредните денови на најфреквентните локации. Согласно планот, ќе бидат опфатени сите премини што се во употреба, особено оние во близина на училишта и јавни институции.
