Од обвинителството за МИА потврдуваат дека на случајот се уште се работи и се чекаат дополнителните анализи од предмети и траги од крв. Во дворот на Д.А е пронајден трупот на убиената жена, но се уште не се пронајдени нејзината глава и раце. Од вештачењето на трагите од крв утврдено е дека станува збор за убиената Б.Н, а на трупот има фрактури на ребрата, но нема убоди од нож. Според исказот на осомничениот откако ја убил 79 годишната Б.Н и ги сечел деловите од телото, за да ги сокрие трагите од монструозниот чин.
Истражните органи се уште ги бараат остатоците од телот на свирепо убиената 79 годишна штипјанка.
Министерството за внатрешни работи вчера преку пишано соопштение објави дека СВР Штип во соработка со Одделот за криминалистичка полиција при БЈБ поднесе кривична пријава против 74 годишниот Д.А од Штип поради постоење основи на сомнение за сторени кривични дела „убиство“ по член 123 и „противправно лишување од слобода“ по член 140 од Кривичниот законик. Toj се сомничи дека во домот во кој живее во Штип без нејзина волја ја држел 79 годишната Б.Н. од Штип, а потоа со остар предмет и нанел убодни рани од кои починала, по што телото го закопал во дворот.
-Имено, на 24.10.2025 во СВР Штип, Д.О.(84) од Штип пријавила дека од домот се оддалечила нејзината сестра Б.Н. По преземени мерки, а поради сомнение дека противправно ja држел во неговиот дом, на 10.11.2025 со судска наредба бил извршен претрес во неговиот дом и биле пронајдени и одземени повеќе предмети и траги од крв. По претресот, тој бил лишен од слобода и му била изречена мерка притвор во траење од 96 часа и бил спроведен во Казнено-поправната установа Затвор Куманово. По дополнително преземени мерки и добиено вештачење на одземените траги и предмети, во СВР Штип повторно е извршен разговор со Д.А. во кој тој детално го појаснил начинот на кој го извршил убиството, се вели во соопштението на МВР објавено на 16 ноември.
По наредба на јавен обвинител телото било дадено на обдукција, а Д.А. бил изведен пред судија на претходна постапка, кој му определи мерка притвор во траење од 30 дена.
