Балкан

Косово оди на нови избори по распуштањето на парламентот

Косовската претседателка Вјоса Османи денес го распушти Собранието, откако и вториот обид за формирање влада пропадна. Новите парламентарни избори треба да се одржат кон крајот на годината, пренесуваат регионалните медиуми.

Одлуката за распуштање следува по неуспешните политички преговори и отсуството на договор меѓу партиите за гласање на неколку важни точки на дневниот ред. „Во согласност со Уставот на Косово и важечкото законодавство… претседателот на Република Косово денес го распушти деветтото свикување на Собранието“, соопшти Кабинетот на Османи.

Различни предлози за датумот на изборите

Партиските лидери изнесоа различни предлози за датумот на изборите. Бедри Хамза од Демократската партија на Косово побара изборите да се одржат на 21 декември, истакнувајќи дека земјата „што побрзо треба да добие функционални институции“. Истата дата ја поддржа и лидерот на Алијансата за иднината на Косово, Рамуш Харадинај, кој најави самостоен настап на изборите.

Од друга страна, партијата Гуџо преку својот лидер Фатон Пеци предложи 28 декември, со образложение дека Централната изборна комисија има потреба од повеќе време за подготовка. Лидерот на Социјалдемократската иницијатива, Фатмир Лимај, оцени дека вонредните избори се „лоша вест“ и доказ за деветмесечна политичка неспособност.

Неуспешни два мандати за формирање влада

Распуштањето следи по неуспехот на два последователни мандати за формирање влада. На 19 ноември потпретседателот на Самоопределување, Глаук Коњуфца, не успеа да обезбеди доволен број гласови, а претходно истото се случи и со Албин Курти на 26 октомври. Косово и понатаму функционира со техничка влада избрана на изборите од 9 февруари 2025 година.

Според Уставот, по неуспехот на вториот мандатар, претседателот мора да распише нови избори во рок од 40 дена. Засега останува непознато кога Османи официјално ќе го соопшти датумот.

Балкан

Атина: 38 приведени за време на годишнината од убиството на тинејџерот

Во центарот на Атина вечерва избувнаа судири меѓу демонстранти и полицијата за време на маршот по повод 17-годишнината од убиството на Александрос Григоропулос. Полицијата употреби солзавец и шок-бомби, а 38 лица беа приведени, од кои осум се уапсени.

Тензии се појавија кога дел од демонстрантите се обидоа да се упатат кон квартот Егзархија, но полицијата ги спречи. Метро станиците „Панепистимио“ и „Синтагма“ беа затворени од 17 часот по наредба на властите.

Слични протести се одржаа и во Солун, каде беа приведени десет лица. Убиството на 15-годишниот Григоропулос во 2008 година останува симбол на борбата против полициската бруталност, а годишнината и годинава беше обележана со судири и засилено полициско присуство.

Балкан

Брод со мигранти се превртел кај Крит: 18 загинати, двајца преживеани

Грчката крајбрежна стража пронајде брод со 18 загинати мигранти покрај брегот на Крит, јави грчката јавна телевизија ERT News. Двајца преживеани изјавиле дека ја изгубиле контролата над бродот за време на бура, останувајќи на отворено море без вода и храна.

Сè уште не е познато од каде потекнуваат жртвите, а форензичарите и истражителите работат на утврдување на околностите околу несреќата. Моќна бура беснее во морето околу Крит, со налети на ветер над 90 километри на час.

Според УНХЦР, криумчарски банди продолжуваат да испраќаат мигранти по опасната рута од Тобрук во Либија кон Крит, а речиси 17.000 мигранти пристигнале на островот до почетокот на декември 2025 година.

Балкан

(ВИДЕО) Автомобил „полета“ над кружен тек – дијабетска криза ја предизвикала несреќата

Тешка сообраќајна несреќа се случи во Романија кога возач на „мерцедес“ ја изгуби контролата врз автомобилот и буквално прелета над две возила на кружен тек.

Mercedes flies over 2 cars in Romania, a 55-year-old driver lost control due to a medical problem, but he survived the crash with moderate injuries, and refused hospitalization pic.twitter.com/YoGn1YZuOZ
— Global Eye News🌐 (@globaleeyenews) December 5, 2025

На видеото кое кружи на социјалните мрежи јасно се гледа дека автомобилот возел со голема брзина, ја пресекол кружницата и „полетал“ над другите возила пред да удри во столб на надзорна камера и да застане на зелена површина покрај блиска бензинска пумпа.

Возачот, 55-годишен маж, останал заробен во автомобилот, но спасувачите успеале да го извлечат. Тој претрпел само полесни повреди и е однесен во болница на контрола, без потреба од хоспитализација.

Тестовите покажале дека не консумирал алкохол или дрога, а причината за несреќата е дијабетска криза која го спречила да реагира додека возел.