Маск во центарот на нов скандал – поставил навистина чудно прашање

Илон Маск присуствувал на раскошна вечера во Белата куќа организирана во чест на саудискиот престолонаследник Мохамед бин Салман, но еден шокантен момент го привлече вниманието на медиумите, пишува „Дејли Мејл“.

Според читање на усни, Маск наводно прашал еден од гостите дали смета дека престолонаследникот на Саудиска Арабија е терорист. Прашањето, како што се тврди, било упатено кон Алберт Бурла, извршниот директор на „Фајзер“.

„Кое е вашето мислење, дали тој е терорист?“, наводно прашал Маск.

Анализите за „Дејли Мејл“ на Никола Хиклинг наведуваат дека Бурла изгледал шокиран од прашањето.

Претставниците на Маск и Бурла биле контактирани за коментар.