Повредите на менискусот на коленото се меѓу најчестите повреди на овој зглоб и често бараат хируршка интервенција. Иако спортистите, особено оние што се занимаваат со контактни спортови, се со поголем ризик, повреда на менискусот може да доживее практично секој, без разлика на возраста.
Менискусите се рскавични структури во коленото кои служат како амортизери, апсорбираат удари и го штитат зглобот при движења. Кога ќе дојде до повреда, потребно е време за опоравување, а во тој период е важно да се избегнуваат активности кои дополнително го оптеретуваат коленото.
Активности кои треба да се избегнуваат:
Ротации на коленото и потколеницата – кога стапалото е цврсто на земја, а телото се врти во спротивен правец, може дополнително да го оштети менискусот.
Грбно пливање – иако пливањето генерално е корисно, кај грбниот стил се јавува ротација на потколеницата и притисок на менискусот.
Туркање предмети со нозете по подот – доколку рацете се зафатени, поместувањето предмети со нозете може да предизвика дополнителна повреда.
Длабоки чучњеви – при длабок чучњев простор помеѓу бутот и потколеницата се намалува, што создава притисок на менискусот.
Други фактори кои предизвикуваат болка:
Колената се едни од најважните, но и најоптоварените зглобови во телото. Проблемите може да се забрзаат поради зголемена телесна тежина, автоимуни болести или генетика. Истражувањата покажуваат дека дури и само одењето создава притисок на колената една и пол пати поголем од телесната тежина.
