Денешната изјава на Арбер Адеми за „неуспех во владеењето на правото“ според ВЛЕН покажува колку ДУИ е одвоена од реалноста. Политичката партија, чија половина од раководството се на „црните листи“ за корупција, денес се претставува како застапник на европските стандарди, иако токму ДУИ е главната причина што земјата години наназад не напредува во клучните обврски од Кластер I.
ВЛЕН истакнува дека за 20 години ДУИ го претвори „запленувањето на државата“ во уметност, додека денес се претставува како моралист и застапник на владеење на правото. Граѓаните добро ги знаат фактите:
Судството се претвори во филијала на ДУИ, Одлуките не се носеа во судовите, туку во партиските коридори, Измените на Кривичниот законик беа направени за амнестија на корумпирани лица.
ВЛЕН додава дека токму владеењето на правото е област каде ДУИ оставила најдлабоки траги, што не е само политичко тврдење, туку тоа го нотира и Европската Унија.
Извештајот на Прибе ја оцени владеачката коалиција Груевски–Ахмети како класичен пример за „запленување на државата“: со политички монтирани случаи, системска неправда и последователно илјадници Албанци протерани од земјата.
ВЛЕН апелира за финансиска и институционална автономија на судството и за силни механизми на одговорност, со цел правдата да им служи на граѓаните, а не на партиите.
