[ВИДЕО] Хаос во Грција: Поплави, свлечишта и прекини на струја и вода – прогласена вонредна состојба

Обилните врнежи во западна Грција предизвикаа поплави, свлечишта и прекини на струја и вода, оставајќи повеќе општини во колапс. Вонредна состојба е прогласена во Загори, Филијатес и Зирос, а северниот Крф претрпе сериозни оштетувања на инфраструктурата.

Села во северна Цумерка останаа без струја, а проблеми има и во планинските области Каламбка, Козани и Аспропотамос. Во Филипијада поплавите и паднатите столбови создадоа големи прекини, додека во Арта има оштетувања на патиштата и електричната мрежа.

На Крф, каде за два часа наврнаа 220 мм дожд, улиците се покриени со камења, кал и остатоци од свлечишта. Тимот за цивилна заштита е на терен, а метеоролозите предупредуваат дека опасноста сè уште не е целосно помината.

Дождовите се очекува да престанат денес, а следната стабилизација на времето ќе биде во понеделник. Нов бран врнежи и јужни ветрови се предвидува од вторник до сабота.

Κέρκυρα: Εικόνες καταστροφής από την κακοκαιρία – Κλιμάκιο της ΕΜΑΚ στο νησί – Καστοριά: Υπερχείλισε ο Αλιάκμονας στο Νεστόριο #OPENnewe pic.twitter.com/dOrDKC1Ax4

— OPEN News (@OpenNewsGr) November 21, 2025