Во 2008 година, Поглаварот на Македонската Православна Црква, Неговото Блаженство, Архиепископот Охридски и Македонски г.г. Стефан, во сослужение со Неговото Високопреосвештенство, Митрополитот Повардарски г. Агатангел и други свештенослужители, изврши осветување на плоча со текстот од молитвата „Оче наш“ на македонски јазик во Ерусалим.
Оваа плоча беше поставена во Кармелитанскиот манастир „Оче наш“, кој се наоѓа над Елеонската гора, каде досега биле поставени вкупно 161 плоча со текстот на молитвата на различни јазици. Македонската плоча е 155-та по ред, а текстот е достапен и за луѓе со оштетен вид, што е случај само уште со шест други јазици.
Овој настан се случи во година прогласена за година на македонскиот јазик, што дополнително ја потенцира значајноста на неговото признавање и промоција на меѓународно ниво.
