Црквата „Свети Никола“ во Катланово минатата недела беше мета на дрска кражба каква ретко се случува. Инцидентот е целосно снимен од црковната камера, а видеото предизвика шок и револт кај верниците.
На снимката јасно се гледа како непознат маж влегува во храмот и со целосна смиреност почнува да ги разгледува иконите. Наместо да се помоли или да запали свеќа, тој методично ги собира парите оставени од верниците за здравје и среќа. Без никаков срам, крадецот внимателно ги пребарува сите места каде традиционално се оставаат донации, а потоа мирно ја напушта црквата како ништо да не се случило.
