На 21 ноември 2025 година, околу 20:40 часот, во СВР Скопје било пријавено дека на крстосницата меѓу улиците „Разловечко Востание“ и „Вич“ се случила сообраќајна несреќа помеѓу две патнички возила – „хјундаи“ со скопски регистарски ознаки, управувано од 52-годишниот В.Л. од Скопје, и „шкода“ со српски национални ознаки, управувана од 38-годишниот Р.Ѓ. од Република Србија, со привремен престој во Скопје.
Во несреќата тешки телесни повреди здобил возачот на „хјундаито“, кој бил пренесен и хоспитализиран во Градската општа болница „8 Септември“. По наредба на јавен обвинител, на местото на настанот бил извршен увид од увидна екипа на СВР Скопје.
