Двајца жители на Алтајскиот крај во Русија се убиени откако се обиделе да изведат саботажа на железничка линија и при апсењето отвориле оган врз безбедносните сили, пренесува Index.hr.
Според Федералната служба за безбедност (ФСБ), напаѓачите делувале по инструкции на украинските специјални служби. „ФСБ спречи обид за саботажа на железницата во Алтајскиот крај, координиран од украински служби“, соопшти службата.
Инцидентот се случил во саботата, 22 ноември, на делницата меѓу станиците Алтајска и Бијск, позната по густ сообраќај. Двајцата мажи се обиделе да постават уред на шините, но при приведувањето пружиле вооружен отпор и биле „неутрализирани“.
Според ФСБ, тие биле локални жители регрутирани преку Telegram за изведување диверзии за паричен надомест. Кај нив било пронајдено нелегално оружје, а се покренати постапки за саботажа, напад врз службени лица и незаконско поседување оружје, соопштија руските власти.
