Бугарија ја продолжи забраната за извоз на инсулини, инсулински аналози и одредени групи антибиотици до 23 јануари 2026 година, соопшти Министерството за здравство, по налог на министерот Силвио Кирилов.
Како причина се наведуваат проблеми со снабдувањето, пријавени недостатоци и одбивања од страна на веледрогерии, како и доцнења во испораките и намалени количини нарачани лекови.
Забраната опфаќа инсулини и нивните аналози, SGLT2-инхибитори, лекови на база на семаглутид, антибиотиците со азитромицин, како и лекот месалазин. Првата забрана за извоз на инсулини беше воведена во ноември 2023 година и од тогаш повеќепати е продолжувана.
