Завршена е целосната реконструкција на кровната конструкција на ООУ „Св. Климент Охридски“ во Битола, со што значително се подобрени условите за одвивање на воспитно-образовниот процес во училиштето.
Проектот, вреден 80.314 евра, опфати замена на 1.800 м² кровна површина. Реконструкцијата е реализирана со финансиска поддршка од Јапонската амбасада. Ова е втор грант што Јапонија го доделува за обнова на ова училиште, истакна директорот Предраг Созовски.
Минатата недела училиштето го посети вториот секретар на Амбасадата на Јапонија, н.е. Накамура. На средбата, раководството на училиштето се заблагодари за континуираната поддршка и ја потенцираше важноста на соработката, која, како што беше истакнато, ќе продолжи и во иднина.
