Украина и Русија во текот на ноќта размениле нови напади, јавува француската агенција АФП.
Украинските спасувачки служби соопштија на Телеграм дека две лица загинале, а 18 се спасени од урнатините во Киев, меѓу кои и три деца. Акциите за спасување продолжуваат.
Истовремено, Украина извршила воздушни напади врз јужниот руски регион Ростов. Според локалните власти, едно лице загинало во Таганрог на северната страна од Азовското Море, а уште две починале во болница од последиците на нападот.
Руското Министерство за одбрана соопшти дека противвоздушната одбрана во текот на ноќта соборила и уништила 249 украински дронови над руска територија.
