АВИОН ИЗЛЕТА ОД ПИСТА ВО ВИЛНУС, АЕРОДРОМОТ ЦЕЛОСНО БЛОКИРАН

Патнички авион на полската авиокомпанија LOT денеска излета од пистата по слетувањето на аеродромот „Вилнус“ во Литванија, поради што целиот воздушен сообраќај беше привремено запрен, соопштија аеродромските власти.

Сите патници се евакуирани безбедно со мобилни скали и веднаш биле префрлени до терминалот, потврди портпаролот на аеродромот. Нема информации за повредени.

Пистата останува затворена до најмалку 19 часот по локално време, а патниците со претстојни летови се советуваат да ги контактираат своите авиокомпании за ажурирани информации за заминувањата.