Купувањето мелено месо во супермаркети и месарници често може да биде предизвик, бидејќи не секогаш е лесно да се препознае дали е свежо и без дополнителни состојки. Производителите понекогаш додаваат вода, соја, маст, кожички или презла за зголемување на волуменот, што влијае на вкусот и квалитетот на месото.
Експертите советуваат на неколку основни критериуми при изборот на мелено месо:
Боја: Квалитетното месо е природно црвено. Бледата нијанса може да укажува на присуство на вода или други адитиви. Конзистенција: Месото треба да биде цврсто на допир, без лепливост или вишок течност. Пакување: Прегледајте ја амбалажата – вишокот течност е знак за преработка со дополнителни состојки.
Исто така, купувањето од доверливи месари и проверката на декларацијата на производот може да помогне во изборот на квалитетно мелено месо. За да се зачува свежината и хранливата вредност, месото најдобро е да се употреби веднаш по купувањето или веднаш да се замрзне.
