Во стравичниот пожар што го зафати станбениот комплекс во Хонг Конг, загинаа најмалку 36 лица, додека пожарникарските екипи сè уште се борат со огнената стихија.
Трагичната вест ја потврди на прес-конференција лидерот на Хонг Конг, Џон Ли.
Според неговите информации, судбината на дури 279 лица сè уште е непозната и тие се водат како „недостапни“.
Полицијата во Хонг Конг привела тројца мажи осомничени за убиство од небрежност. Веста ја потврди и портпаролот на полицијата, пренесува CNN.
Надлежните најавија дека ќе одржат нова прес-конференција на која ќе бидат соопштени повеќе детали за случајот.
Директорот на противпожарната служба, Анди Јеунг, изјави дека неговите екипи при спасувањето забележале стиропорски панели што ги блокирале прозорците на повеќе станови.
„Овие панели се исклучително запаливи и пожарот многу брзо се проширил“, рече тој. „Нивното присуство беше необично, па случајот го проследивме до полицијата за понатамошна истрага“, додаде Јеунг.
Horrifying visuals from hong kong several buildings burned more than dozen people burnt alive . Rescue teams are trying very hard . Wishing for safety of everyone.#hongkong #hongkongfire #FireStorm #HongKongers pic.twitter.com/njZxB4zswF
— ɳ เ ร ɦ α (@itsnisha03) November 26, 2025
