Градоначалникот на Општина Ресен и градоначалникот на Општина Пустец, Пали Колефски, денес во Ресен го потпишаа заедничкиот протокол за соработка, со кој двете општини ја потврдија својата посветеност кон заштитата на природните и културните вредности на Преспанскиот регион.
Документот акцентира дека за зачувување на екосистемот на Преспа и за унапредување на квалитетот на живот на локалното население се неопходни координирани прекугранични напори. Протоколот опфаќа соработка во областите на заштита на животната средина, развој на инфраструктурата, промоција на туризмот и зачувување на богатото природно и културно наследство.
Со потпишувањето, Ресен и Пустец се обврзуваат на заедничко планирање и реализација на проекти, подобрена координација во обезбедувањето финансиски средства, како и јакнење на институционалната соработка во превенцијата и управувањето со ризици.
