Во Битола, заедно со градоначалникот Тони Коњановски и пратеничката Олга Лозановска, ја промовиравме платформата uslugi.gov.mk — националниот портал за електронски услуги.
Во изминатата една и пол година бројот на корисници се дуплира и сега близу 240.000 граѓани секојдневно користат услуги преку порталот.
Во рамки на дигиталната трансформација, како успешен пример го наведовме системот на ваучери за електронски уреди за студенти. До сега:
39.000 студенти аплицирале за ваучер;
20.800 студенти веќе набавиле нов електронски уред — целосно онлајн.
Битола останува еден од клучните фокус-пунктови на процесот на дигитализација. Центарот за услуги во градот бележи голема посетеност и одлични резултати, што потврдува дека сме на вистинскиот пат.
Продолжуваме со соработката со општината за натамошна дигитализација на локалните услуги — побрзи, поедноставни и подостапни за сите.
