Додека свет зборува за мировен план, Сибиха ја откри вистинска состојба на фронтот – ова е застрашувачки

Во големиот ноќен руски напад врз Украина, загинале две лица, а околу дваесет се повредени, изјави денеска украинскиот министер за надворешни работи, Андриј Сибиха.

Тој додаде дека Москва продолжува да „убива и уништува“ додека светот дискутира за мировните планови за украинскиот конфликт.

„Русија испука десетици крстосувачки и балистички ракети и повеќе од 500 дронови врз обични куќи, енергетска мрежа и клучна инфраструктура“, напиша Сибиха на социјалната мрежа X.

Експлозиите се слушале низ главниот град Киев цела ноќ, пренесува Ројтерс.

Шефот на Киевската воена управа, Тимур Ткаченко, претходно соопштил дека од полноќ шест локации во Киев биле мета на руски удари, при што биле погодени и станбени згради, пренесува Укринформ.

Градоначалникот на Киев, Виталј Кличко, истакна дека нападот предизвикал пожар на пониските спратови на солитер западно од центарот на градот, а делови од градот останале без електрична енергија.