Нова анализа на Универзитетскиот колеџ во Лондон (UCL), заснована на 20 години сателитски податоци, покажува дека огромни делови од југоисточна и централна Европа, вклучувајќи ги Шпанија, Италија, Франција, Германија, Романија и делови од Велика Британија, бележат значително намалување на слатководните резерви.
Северот и северозападот на Европа, како Скандинавија и делови од Велика Британија и Португалија, стануваат пожешки и влажни, додека југот и југозападот се сушат. Иако вкупните количини на дожд можат да се задржат, екстремни врнежи и подолги сушни периоди ја менуваат распределбата на водата.
Подземните води, кои се клучен ресурс за јавното снабдување и земјоделството (62% од јавното снабдување во ЕУ), исто така се исцрпуваат, особено во југоисточна Англија. Падот на водните резерви има директно влијание врз земјоделството, безбедноста на храната и екосистемите, а делови од Европа можат да се соочат со сериозни ограничувања на потрошувачката на вода.
Европската комисија најавува стратегија за подобро управување со водните ресурси, вклучително модернизација на инфраструктурата, намалување на загубите во водоводните мрежи и подобра ефикасност на потрошувачката до 2030 година.
Научниците предупредуваат дека климатските промени, кои долго влијаеле на глобалниот југ, сега се чувствуваат директно во Европа, и дека се потребни интензивни мерки за повторна употреба на вода, собирање на дождовница и одржливо планирање на населените места.
Globalno, слични трендови на сушење се забележуваат во Блискиот исток, Азија, Јужна Америка, западниот дел на САД и делови од Канада, додека на Гренланд, Исланд и Свалбард се регистрира драматичен пад на водните резерви.
