Најмалку 10 смртни случаи кај деца поврзани со вакцините против коронавирус

Американската Администрација за храна и лекови (ФДА) во интерен документ навела дека најмалку десет деца веројатно починале како последица од вакцинација против коронавирус.

Како можни причини за смртта кај децата, ФДА го навела миокардитисот – воспаление на срцевиот мускул. Во документот, кој го потпишал главниот медицински и научен службеник на ФДА, Винај Прасад, не се наведуваат возраста и здравствената состојба на децата, ниту производителите на вакцините за ковид-19 за кои се сомнева дека довеле до смрт.

Прасад го оцени овој наод како „откритие со длабоки последици“ и најави дека ќе се заостри надзорот врз вакцините.

Овој извештај пристигнува во момент кога американскиот министер за здравство, Роберт Ф. Кенеди Помладиот, направи остар пресврт во политиката за вакцинација против ковид-19, со ограничување на вакцинирањето само на лицата постари од 65 години.

NEW: An internal F.D.A. memo said about 10 children died after getting the Covid shot. But experts want to see the data.

Dr. Vinay Prasad: “For the first time, the U.S. F.D.A. will acknowledge that Covid-19 vaccines have killed American children.”https://t.co/cgIJcVpy1n

— Christina Jewett (@By_CJewett) November 29, 2025