Полицијата во Дебар поднесе кривична пријава против 23-годишниот К.М. од селото Могорче, кој се сомничи дека извршил тешка кражба на дрзок начин.
Според информациите од полицијата, инцидентот се случил на 19 ноември 2025 година, кога осомничениот забележал жена од Дебар додека подигала пари од банкомат. Тој ѝ пришол, насилно ѝ ги одзел парите и побегнал од местото.
Полицајците брзо го лоцирале и привеле во полициската станица, по што против него е поднесена соодветна кривична пријава.
