Фондот за пензиско и инвалидско осигурување (ПИОМ) остро реагира на изјавите на претседателот на СДСМ, кој на прес-конференција изрази сомнеж во зголемувањето и редовната исплата на пензиите во следниот период. Од ПИОМ уверуваат дека исплатата е целосно сигурна и загарантирана од Владата, а пензии ќе има навремено како и секогаш.
Од институцијата информираат дека исплатата на пензијата за ноември веќе е започната во банките и ќе заврши на 1 декември 2026 година, според редовниот распоред.
„Не треба да постои никаков сомнеж или страв дека ќе нема пензии. Фондот на ПИОМ, во координација со Владата, исплатата ја врши секој први во месецот и истото ќе продолжи и во 2026 година“, стои во соопштението.
Фондот ги оцени тврдењата од СДСМ како „неосновани и политички мотивирани шпекулации“ насочени кон вознемирување на пензионерите и нарушување на довербата во институцијата.
Според ПИОМ, буџетот за 2026 година изнесува речиси 151 милијарда денари (околу 2,5 милијарди евра), средства предвидени за редовна исплата на пензии, здравствено осигурување на пензионерите и транзициски трошоци за вториот столб.
Извор: Политика.мк
