Црна Хроника

Полициска акција во Скопје: Дом полн со дрога и оружје

СВР Скопје поднесе кривична пријава против Ф.Р.(42) од Скопје поради постоење основи на сомнение за сторени кривични дела „неовластено производство и пуштање во промет на наркотични дроги, психотропни супстанци и прекурзори“ и „неовластено изработување, држење, посредување и тргување со оружје или распрскувачки материи“. На 24.04.2025, полициски службеници извршиле претрес во домот на пријавениот, при што се пронајдени и одземени марихуана, гранчиња од канабис, МДМА, куршуми калибар 7,62 мм и сигнални куршуми калибар 26 мм.

Црна Хроника

Со пиштол ограбена обложувалница – МВР со детали

На 06.12.2025 во 20:40 часот, во ОВР Струга е пријавено дека во обложувалница во Струга едно лице со закана со пиштол, од вработената одзело пари.

Се преземаат мерки за расветлување на настанот, по што против сторителот ќе биде поднесена соодветна пријава.

Црна Хроника

Пред Поликлиника Ченто пронајден починат маж!

На 06.12.2025 во 07:00 часот во СВР Скопје, од Поликлиника Ченто е пријавено дека околу 06:00 часот пред Поликлиниката бил пронајден починат Е.Е.(44) од Скопје.

Лекар констатирал смрт без видливи траги на насилство, а по наредба на јавен обвинител телото на починатиот е предадено за обдукција.

Црна Хроника

Лажен полицаец измами скопјанка за 170.000 денари

Во Скопје, 82-годишна жена пријавила измама вредна околу 170.000 денари. Според полицијата, лицето ја контактирало телефонски, се претставило како полициски службеник и ѝ кажало дека нејзината внука предизвикала сообраќајна несреќа во која загинало дете, и дека мора да плати за да не оди во затвор.

Жената излегла на улицата и им ги предала парите на непознато машко лице, но подоцна сфатила дека станува збор за измама и дека нејзината внука не учествувала во несреќата. Полицијата презема мерки за расчистување на случајот.