Претседателот на Србија, Александар Вучиќ, денеска соопшти дека рафинеријата на Нафтена индустрија на Србија (НИС) во Панчево нема да работи од вторник. Тој истакна дека државата ќе мора да „снаоѓа на различни начини“ за да ја надомести состојбата.
Вучиќ ги повика граѓаните да останат мирни, нагласувајќи дека државата има „доволно решенија и доволно пари“ за да се справи со кризата. Тој најави дека вечерва ќе се обиде да оствари дополнителни разговори со американската страна, но додаде дека не очекува тие да ја променат својата одлука. За утре најави важен состанок на кој треба да се најде решение за проблемите, додека Србија се уште се соочува со „тешка борба“.
Претседателот истакна дека не ја разбира логиката на американската страна и дека повеќе не очекува да добие лиценца од нив, што значи дека рафинеријата мора да се затвори.
Вучиќ додаде дека Србија им пренела на Американците дека ги почитува санкциите и дека е подготвена да ја промени сопственоста во НИС во рок од педесет дена, со државни гаранции. Тој нагласи дека ниту американската ниту руската страна не брзаат со одлуките, при што Русите се фокусирани на заштита на својот имот.
Претседателот заклучи дека ситуацијата е „многу тешка“, но увери дека проблемите ќе бидат решени и повтори дека граѓаните не треба да се грижат.
