Вселенскиот патријарх Вартоломеј и папата Лав XIV ја изразија својата посветеност на продолжување на дијалогот меѓу православната и католичката црква, со посебен акцент на заедничкото празнување на Велигден.
Во заедничката декларација потпишана во Фанар, двајцата лидерите нагласуваат дека, и покрај присутните тешкотии кои сè уште ја попречуваат целосната заедница меѓу христијаните, потребно е сите верници заеднички да го слават Воскресението на Господ Исус Христос. Тие потенцираат дека ваквото одбележување може да инспирира нови чекори кон единството и се повикуваат на историските критериуми утврдени на Првиот Никејски собор за одредување на датумот на Велигден.
Декларацијата исто така ја потенцира годишнината од 60 години од историската заедничка декларација на Вселенскиот патријарх Атенагора и папата Павле VI, со која беше укината меѓусебната анатема од 1054 година.
Вартоломеј и Лав XIV ја искажуваат поддршката за работата на Меѓународната заедничка комисија за теолошки дијалог и ги охрабруваат сите верници, свештеници и теолози, да продолжат со напорите за продлабочување на братските контакти и плодовите од дијалогот помеѓу двата христијански правци.
