Црна Хроника

Македонски државјанин загина во Швајцарија

Тешка сообраќајна несреќа со фатални последици и елементи на кривично дело ја потресе швајцарската јавност викендов.

Во инцидентот што се случи во Шлиерен, кантон Цирих, животот трагично го загуби 39-годишен државјанин н Македонија.

Возачот, исто така 39-годишен Македонец, по сударот избегал од местото на настанот без да му пружи помош на својот тешко повреден сопатник.

Настанот се случил доцна во саботата вечерта, а епилогот е едно загинато лице, еден уапсен и истрага која сè уште трага по мистериозна сопатничка.

„Летале“ низ зона 30 со џип од 500 коњски сили. Според официјалниот извештај на Кантоналната полиција во Цирих, несреќата се случила во саботата околу 23:30 часот. Возилото, моќен СУВ (џип) марка „БМВ“ со над 500 коњски сили, се движело од улицата „Енгштрингерштрасе“ кон „Грабенштрасе“.

Полициските експерти врз основа на трагите на местото на несреќата заклучиле дека се возело со значително поголема брзина од дозволената, во зона каде ограничувањето е стриктно 30 километри на час.

Извор: newz24live

Црна Хроника

Битолчанка измамена од 20.000 евра – Ова се деталите

70-годишна жена од Битола пријавила во полиција дека била измамена за 20.000 евра, откако непознато лице телефонски ѝ соопштило дека нејзината ќерка наводно паднала по скали и ги искршила вилицата и ногата. Измамникот побарал итни средства, тврдејќи дека за наводните повреди морало да се вградат „златни шипки“.

Жената, верувајќи дека се работи за животна ситуација, ги оставила парите на договорено место. Подоцна, кога успеала да ја добие својата ќерка, сфатила дека целата приказна била измама.

Од МВР информираат дека се преземаат мерки за целосно расчистување на случајот и идентификација на сторителот.

Црна Хроника

ВИДЕО: Пожар во Стара чаршија во Скопје

На социјалните мрежи се појави видео од пожар во еден од објектите во Скопската Стара чаршија. На снимките се гледа огнената стихија и интервенција на противпожарните екипи.

Засега нема потврдени информации за повредени лица, а причините за пожарот се во тек на утврдување. Граѓаните се повикуваат да се држат подалеку од местото на настанот и да ги следат инструкциите на службите.

Видеото може да го погледнете тука

Црна Хроника

Младо момче и девојка нападнати со нож и ограбени во Градскиот парк

Во вечерните часови вчера во Скопје се случил страшен инцидент во Градскиот парк. Две непознати лица, под закана со остар предмет, ограбиле 13-годишна девојка, а потоа едно од нив го нападнало нејзиниот 14-годишен другар кој бил со неа.

Според полицискиот билтен, родителот на девојката, И.М. (55) од Скопје, пријавил дека неговата ќерка била нападната околу 19:00 часот. Полицијата веќе презема мерки за пронаоѓање и санкционирање на сторителите.

Случајот ја шокира јавноста и ја отвора дискусијата за безбедноста на децата во јавните простори на главниот град.