Црна Хроника

Позната пејачка приведена во Македонија

Познатата пејачка Џејла Рамовиќ од БиХ била приведена во акциска контрола во Кичево, заедно со нејзиниот бенд, откако полицијата открила дека настапувале без соодветна работна дозвола.

За време на засилена контрола во угостителски локали на магистралниот пат Кичево–Охрид, изведена во ноќта меѓу 29 и 30 ноември, полициски службеници од ОВР Кичево и РЦГР Запад влегле во објект каде настапувала Рамовиќ.

„Во објектот биле затекнати пејачката Џејла Рамовиќ (23) и нејзиниот бенд – К.Џ. (27), Е.П. (25), Ф.Ј. (28) и И.К. (24), сите државјани на Босна и Херцеговина. Според полицијата, групата работела без обезбедена работна дозвола, што претставува прекршок според Законот за странци“, информираат од СВР Охрид.

Случајот е пријавен до Основниот суд во Кичево, а против уметниците е поднесена прекршочна пријава.

Црна Хроника

Кривична пријава против директорка – МВР со детали

СВР Штип – ОВР Делчево, до Основното јавно обвинителство Делчево, поднесе кривична пријава против Д.Ц.(53) од Делчево поради постоење основи на сомнение за сторено кривично дело „фалсификување исправа“ по член 378 од Кривичниот законик. Пријавената, на 01.06.2023 набавила фалсификуван тест за познавање на аглиски јазик од Бугарија и на 29.06.2023 го доставила во прилог на документите по јавниот оглас за избор на директор на средното училиште „Методи Митевски Брицо“ во Делчево.

Врз основа на приложените документи, комисијата констатирала дека Д.Ц. ги исполнува условите предвидени во јавниот оглас, а по изготвениот записник бил доставен предлог до градоначалникот на општина Делчево таа да биде избрана за директор. Врз основа на доставениот предлог, на 12.07.2023 градоначалникот на општина Делчево изготвил решение со кое пријавената била избрана за директор на училиштето.

Црна Хроника

Битолчанка измамена од 20.000 евра – Ова се деталите

70-годишна жена од Битола пријавила во полиција дека била измамена за 20.000 евра, откако непознато лице телефонски ѝ соопштило дека нејзината ќерка наводно паднала по скали и ги искршила вилицата и ногата. Измамникот побарал итни средства, тврдејќи дека за наводните повреди морало да се вградат „златни шипки“.

Жената, верувајќи дека се работи за животна ситуација, ги оставила парите на договорено место. Подоцна, кога успеала да ја добие својата ќерка, сфатила дека целата приказна била измама.

Од МВР информираат дека се преземаат мерки за целосно расчистување на случајот и идентификација на сторителот.

Црна Хроника

ВИДЕО: Пожар во Стара чаршија во Скопје

На социјалните мрежи се појави видео од пожар во еден од објектите во Скопската Стара чаршија. На снимките се гледа огнената стихија и интервенција на противпожарните екипи.

Засега нема потврдени информации за повредени лица, а причините за пожарот се во тек на утврдување. Граѓаните се повикуваат да се држат подалеку од местото на настанот и да ги следат инструкциите на службите.

Видеото може да го погледнете тука