Од 17:50 часот вечерва целосно е стопиран сообраќајот за сите видови возила на граничниот премин „Богородица/Евзони“, поради нов протест на грчките земјоделци, соопшти АМСМ.
Поради блокадата, преминот кон Грција не е прооден, додека на македонската страна нема подолги задржувања за влез или излез од државата.
АМСМ информира дека сообраќајот на државните патишта се одвива нормално, по суви коловози, а интензитетот на движење на патните правци надвор од градските средини е умерен.
