Црна Хроника

Двајца возачи фатени пијани по сообраќајки во Неготино и Злетово

Двајца возачи се лишени од слобода во одделни полициски интервенции во Неготино и Злетово, откако управувале возила под дејство на алкохол и предизвикале сообраќајни незгоди.

Според информациите од МВР, во Неготино околу 20:45 часот на улица „Првомајска“, 35-годишниот Ѓ.А. од Кавадарци со „фолксваген голф“ излетал од патот и удрил во бандера, по што го напуштил местото на несреќата. Полицијата го пронашла во 21:15 часот, а алкотестот покажал 1,83 промили алкохол.

Во Злетово, пак, полициски службеници од ОВР Пробиштип го привеле 28-годишниот Ј.Ј., кој во 17:50 часот учествувал во сообраќајна незгода со материјална штета на крстосницата меѓу улиците „Македонија“ и „Бошко Петров“. Алкотестирањето утврдило 1,84 промили алкохол во крвта.

По целосно документирање на случаите, против двајцата возачи ќе бидат поднесени пријави по член 297-а од Кривичниот законик за „безобѕирно управување со моторно возило“.

Црна Хроника

Лажел дека е туристички агент и украл 6.080 евра

Кривична пријава за измама поднел СВР Куманово против Е.Б.(33) од Куманово.

Како што соопшти полицијата, тој се претставил како вработен во туристичка агенција во Куманово и на измама од едно лице, за резервација за летување за две семејства во Турција, зел 373 890 денари (6.080 евра), соопшти СВР Куманово.

Црна Хроника

Кривична за багеристот што го остави Тетово без струја

СВР Тетово поднесе кривична пријава против Б.А. (44) од с. Боговиње, како и против Ф.А. (45) од с. Боговиње, управител на правен субјект, товарејќи ги за сторено кривично дело „уништување или оштетување на јавни инсталации“.

На 29 септември, првопријавениот во дворот од Клиничка болница Тетово, додека работел со багер во сопственост на правното лице, оштетил електрични кабли за струја, по што, голем дел од градот Тетово останал без електрична енергија.

Црна Хроника

Интервентната полиција приведе тежок криминалец – МВР со детали

Лишено од слобода лице барано со потерница за издржување казна затвор

Денеска (18.12.2025) во 16:30 часот полициски службеници од Единицата за интервентна полиција при СВР Скопје по издадена судска наредба го лишија од слобода Е.Т. (26) од Скопје во врска со сторено кривично дело “Тешка кражба” за издржување на казна затвор во времетраење од три години.

По целосно документирање на случајот лицето ќе биде предадено во казнено-поправна установа.