Црна Хроника

Судењето за трагичниот пожар во кочанската дискотека „Пулс“ продолжува

Во судницата во Идризово денеска продолжува едно од најтешките судски процеси во историјата на земјата – за пожарот во кочанската дискотека „Пулс“, во кој животот го загубија 63 луѓе, а над 200 беа повредени. На минатото рочиште, сите 37 обвинети изјавија дека не се чувствуваат виновни, но дел од нив упатија сочувство кон семејствата на жртвите, признавајќи ја тежината на обвинението без да прифатат лична вина за „тешките дела против општата сигурност“.

На воведните говори минатото рочиште, одбраната настапи со обид да ја разниша обвинителната конструкција. Сопственикот на клубот „Пулс“ Дејан Јованов, сопственикот на ММММ Кафе Митко Стојанов, обезбедувачот Стојанчо Димитриев и сопственикот на објектот Гроздан Милковски, истакнаа дека нивните клиенти не презеле директни дејствија што би предизвикале трагедијата и дека сите имале валидна документација. Адвокатите најавија сведоци и докази кои, според нив, ќе покажат дека пожарот е резултат на институционални пропусти, а не на лична вина.

Во своето воведно излагање, Јованов откри дека и по девет месеци затвор не може да ја прифати вистината за ужасот што се случил. Тој изрази длабоко сочувство кон семејствата на жртвите, истакнувајќи дека и неговото семејство го чувствува истиот бол.

Од друга страна, обвинителството, составено од тим од 15 јавни обвинители, нагласи дека клубот „Пулс“ бил смртоносна стапица од самиот почеток, резултат на систематска негрижа и институционални пропусти.

На обвинителната клупа седат 37 лица – сопственици, управители, инспектори, поранешни градоначалници, обезбедувачи и државни службеници – сите со различна улога во најголемата трагедија од ваков тип во Македонија.

Црна Хроника

Подигнал 25.000 денари од туѓа картичка на банкомат – штипјанец под кривична истрага

СВР Штип поднесе кривична пријава против З.Е. (38) од Штип, поради основано сомнение дека сторил кривично дело „оштетување и неовластено навлегување во компјутерски систем“.

Според информациите од полицискиот билтен, на 1 септември 2025 година, осомничениот без знаење и согласност на оштетената, искористил сѐ уште активна бесконтактна сесија од нејзината банкарска картичка на банкомат на банка. Со намера да се стекне со противправна имотна корист, тој неовластено навлегол во банкарскиот систем и извршил трансакција, при што присвоил 25.000 денари.

По настанот, полицијата презела соодветни мерки, а против осомничениот е поднесена кривична пријава.

Црна Хроника

Акциска контрола во Тетово, затекнати шест лица кои вршеле јавен превоз без лиценца

На 17.12.2025 во периодот од 11:00 до 13:30 часот, полициски службеници од СВР Тетово спроведоа акциска контрола за откривање и санкционирање на возачи кои вршат јавен превоз на патници без лиценца. При контрола на патничко возило ,,форд“ со тетовски регистарски ознаки, управувано од К.И.(67) од с.Камењане, тетовско, на ул.„Илинденска“ во Тетово, констатирано е дека врши јавен превоз на патници без да поседува лиценца издадена од надлежен орган. Исто така, на ул.„Маршал Тито“ во Тетово затекнати се пет возачи вршеле јавен превоз на патници без да поседуваат лиценца за јавен превоз издадена од надлежен орган. Констатирано е дека Х.К.(48) од Тетово управувал патничко возило „фолксваген туран“ со тетовски регистарски ознаки вршел јавен превоз без лиценца, како и Е.М.(49) од Тетово кој управувал патничко возило ,фолксваген голф“ со тетовски регистарски таблички, Б.Р.(71) од с.Брвеница, тетовско, кој управувал патничко возило „хјундаи“ со тетовски регистерски ознаки, А.Д.(22) од с.Фалише, тетовско, кој управувал патничко возило ,,мерцедес“ со тетовски регистарски ознаки и Ф.Б.(51) од с.Џепчиште, тетовско, кој управувал патничко возило ,,голф“ со тетовски регистерски ознаки. По целосно документирање на случаите, против нив ќе следуваат соодветни пријави член 284-а од Кривичниот законик.

Црна Хроника

Кривична пријава против поранешна директорка и вработени во Центарот за социјални работи во Тетово

Кривична пријава против поранешна директорка и вработени во Центарот за социјални работи во Тетово, како и три лица од Боговиње поради злоупотреби при остварување на право на надомест заради попреченост

СВР Тетово поднесе кривична пријава против Х.А.(46) од Тетово, вработен како раководител на сектор во Јавна установа „Центар за социјални работи“- Тетово и В.А.(49) од Тетово, директор во установата, поради постоење основи на сомнение за сторено кривично дело „злоупотреба на службената положба и овластување“, против Ќ.Б.Д.(34) од Тетово, стручен соработник, и А.Љ.(40) од Тетово, социјален работник во установата поради постоење основи на сомнение за сторено кривично дело „несовесно работење во службата“ и против М.Н.(57), Ш.С.(52) и А.Ф.(54), сите од с.Боговиње, поради постоење основи на сомнение за сторено кривично дело „фалсификување на службена исправа“ и „давање лажен исказ“. Во текот на 2024 година, првопријавениот изготвил и донел позитивни решенија за остварување на право на надомест заради попреченост на лице со најтешка телесна попреченост, на име на петто и шестопријавената, за кои претходно не била извршена соодветна проверка, додека второпријавената како директор, потпишала и донела позитивно решение по истиот основ на име на седмопријавената. Трето и четвртопријавените, кои ги воделе постапките за лицата, не извршиле непосреден увид во домаќинството на корисникот, додека петто, шесто и седмопријавената во постапката пред надлежен орган- ЈУМЦСР Тетово, поднеле барања со давање на лажен исказ дека истите ги исполнуваат условите за остварување на правото на надомест за попреченост на лице со најтешка телесна попреченост, а приложиле и фалсификувана службена исправа-конзилијарно мислење, за што по извршените проверки констатирано е дека наведените лица воопшто немале закажан термин.