Црна Хроника

Уапсен водач на меѓународна нарко-мрежа со фирми во три европски држави

Во координирана меѓународна полициска акција уапсени се четири лица осомничени за делување во организирана група за трговија со дрога, соопштија истражните органи. Главниот осомничен, Срѓан Шошкиќ, бил уапсен во Србија, пренесува БГНЕС.

Шошкиќ, кој важел за локален нарко-бос, поседувал транспортни компании во Словенија, Бугарија и Словачка, преку кои, според истрагата, се вршел таен транспорт на наркотични супстанци. Тој и уште едно лице биле приведени во Србија, додека третиот член на групата бил уапсен во Шпанија на 27 ноември, а четвртиот во Австрија уште на 21 март.

Истражителите утврдиле дека групата од 4 декември 2024 година до денес се занимавала со производство и меѓународна распределба на дрога. Само во Шпанија и Австрија биле запленети наркотични средства со пазарна вредност од над три милиони евра.

Според ЈТОК, Шошкиќ бил организаторот на криминалната мрежа и сопственик на транспортната компанија „Ваки транс“ во Словенија, која, како што се сомневаат истражителите, била ставена во функција на шверцот. Камионите и возачите, покрај редовната стока, тајно превезувале дрога низ Европа.

Групата е осомничена дека транспортирала околу 81,2 килограми кокаин, 110 килограми марихуана и околу 15.000 евра, како и дека користела луксузни автомобили во своето криминално работење. Истрагата продолжува.

Црна Хроника

Камион изгоре во Косевица, пожарот навреме локализиран

09.12.2025 – Територијалната противпожарна единица од Македонска Каменица денеска интервенираше на запален товарен камион во селото Косевица.

На местото на настанот реагираа две противпожарни возила со тројца пожарникари. Според извештајот од единицата, пожарот навреме бил локализиран и изгаснат, со што било спречено негово понатамошно проширување.

Во инцидентот нема повредени лица, а причините за пожарот дополнително ќе се утврдуваат.

Црна Хроника

Полицијата во Тетово со полни раце работа – Уапсени пет лица

На 08.12.2025 во 15:45 часот на ул.,,Иво Рибар Лола“ во Тетово, полициски службеници од СВР Тетово ги лишија од слобода Ѓ.С.(38) и Б.З.(19), двајцата од Тетово, за тоа што кај нив е пронајдена и одземена марихуана. По документирање на случајот, ќе следува соодветен поднесок.

На 08.12.2025 во 20:00 часот на локален пат во с.Глоѓи, тетовско, полициски службеници од Полициското одделение Теарце го лишија од слобода А.Ф.(24) од с.Теарце, тетовце. При контрола на патничко возило ,,опел“ со тетовски регистарски ознаки, кое го управувал, и при преглед над него, пронајдена и одземена е марихуана. А.Ф. е задржан во полициска станица и по документирање на случајот против него ќе следува соодветен поднесок.

На 08.12.2025 во 19:20 часот на регионален пат Тетово-Скопје, полициски службеници од Полициското одделение Групчин го лишија од слобода М.И.(25) од с.Палатица затоа што кај него е пронајдена и одземена марихуана. Тој е задржан во полициска станица и по документирање на случајот против него ќе биде изготвен соодветен поднесок.

На 08.12.2025 во 18:25 часот во с.Једоарце, тетовско, полициски службеници од Полициското одделение Теарце го приведоа А.Н.(19) од с.Џепчиште затоа што кај него е пронајдена и одземена марихуана. Тој е задржан во полициска станица и по документирање на случајот ќе му биде изготвен соодветен поднесок.

Црна Хроника

Агресивен и пијан: Со 3,66 промили се судрил со полицијата

Велес – Росоманец беше приведен од полицијата поради агресивно однесување кон полициски службеници, при што се утврди дека имал 3,66 промили алкохол во крвта.

Секторот за внатрешни работи – Велес соопшти дека вчера околу 15:40 часот полициски службеници од ОВР – Кавадарци го лишиле од слобода Т.Н.(46) од Росоман. Агресивното однесување се случило додека полицајците извршувале службени дејствија.

По приведувањето, лицето било задржано во полициска станица, а против него ќе биде поднесена соодветна пријава откако ќе се документира настанот.