Црна Хроника

Двајца возачи фатени под дејство на алкохол кај Тетово и Ресен

На патот Тетово – Гостивар изутринава доведоа до апсење на 62-годишниот А.Р. од Тетово. Според полицијата, околу 03:30 часот, кај наплатната станица Гостивар, возачот бил сопрен додека управувал патничко возило „опел“ со тетовски регистарски ознаки. По спроведените тестови, кај него биле утврдени 1,90 промили алкохол во крвта. Возилото веднаш било исклучено од сообраќај, а возачот задржан во полициска станица.

Исто така, 34-годишниот Б.М. од село Велестово, охридско, кој синоќа околу 19:04 часот на ул.„Корчуланска“ во Ресен бил сопрен додека управувал „опел“ со охридски регистарски ознаки. Кај него тестот покажал 1,76 промили алкохол, по што и тој бил задржан од полицијата.

По целосно документирање на случаите, против двајцата возачи ќе бидат поднесени кривични пријави според член 297-а од Кривичниот законик за „безобѕирно управување со моторно возило“.

Црна Хроника

Две жени нападнати во автобуси на ЈСП во Скопје

Во два одделни инциденти на 19 декември 2025 година, две жени од Скопје биле физички нападнати додека се возеле во автобуси на ЈСП.

Првиот случај се случил околу 15:00 часот во подрачјето на Гази Баба, кога А.С. (46) пријавила дека била нападната од И.С. (39) од Скопје.

Вториот инцидент се случил околу 17:20 часот во подрачјето на Драчево, кога С.Ј. (55) била нападната од непознато женско лице додека се качувала во автобус.

Полицијата презема мерки за расчистување на двата случаи.

Црна Хроника

НОЌНА АКЦИЈА ВО ТЕТОВО – МВР со детали

На 19.12.2025 година во времето од 22:10 до 23:55 часот полициски службеници од СВР Тетово во содејство со Државен инспекторат за труд, Државен пазарен инспекторат и Управа за јавни приходи, извршиле акциска контрола во угостителски објекти во подрачјето на СВР Тетово. При тоа во угостителски објект во Тетово на ул.,,Јован Ончески” каде како управители се пријавиле И.С.(23) и М.Ј.(22), двајцата од с.Брвеница, биле затекнати шест малолетни лица, кои биле послужени со алкохолни пијалоци. Малолетниците се предадени на нивните родители и против сопствениците ќе следува соодветен поднесок во врска со сторено кривично дело „точење алкохол на малоетници“ согласно член 204 од КЗ на РСМ, додека од страна на другите органи биле преземени мерки и активности од нивна надлежност.

Црна Хроника

Петмина повредени во сообраќајна несреќа на автопатот Скопје–Велес

Пет лица се повредени во сообраќајна незгода што се случила денеска (20.12.2025) околу 16:20 часот на автопатот Скопје–Велес, во близина на Петровец. Според информациите, во несреќата учествувале две патнички моторни возила.

Повредените лица со возила на Итна медицинска помош биле пренесени во здравствени установи во Скопје, каде им е укажана соодветна лекарска помош.

На местото на настанот извршен е увид од увидна екипа на СВР Скопје, а се преземаат мерки за целосно расчистување на причините за сообраќајната незгода.