Полициски службеници на МВР на 21 декември 2025 година околу 09:10 часот на граничниот премин Ќафасан го лишија од слобода Е.К. (53) од Република Албанија.
Како што информираат од МВР, при вршење пасошка и гранична контрола, лицето му понудило поткуп на полициски службеник, оставајќи пари на бирото, по што веднаш било приведено.
За настанот бил известен надлежен јавен обвинител, а по целосно документирање на случајот против осомничениот ќе биде поднесена соодветна пријава по член 358 од Кривичниот законик.
