Тешка сообраќајна несреќа се случи вечерва на стариот пат Прилеп–Битола, поради што сообраќајот е целосно прекинат во двата правци, информираат од терен.
На местото на несреќата е присутна увидна екипа од Министерството за внатрешни работи, која врши истрага за утврдување на причините и околностите под кои дошло до судирот.
Според неофицијални информации, патниот правец се очекува да биде повторно отворен по 23 часот, откако ќе заврши увидот и ќе се расчисти коловозот.
Засега нема официјални податоци за повредени лица, а возачите се повикуваат на трпение и користење на алтернативни правци додека трае прекинот.
