Вкупно 34 патнички возила се оштетени на паркинг простор на булеварот „АСНОМ“ во Скопје, при што е причинета материјална штета проценета на околу 11.000 евра, информираат од Министерството за внатрешни работи.
Од МВР соопштуваат дека пријавата е примена денеска, 28 декември 2025 година, а по извршените проверки е утврдено дека оштетувањата на возилата настанале во периодот од 23:00 часот на 27 декември до 09:00 часот на 28 декември.
„Во СВР Скопје е пријавено дека на паркинг простор на булеварот ‘АСНОМ’ се оштетени 34 патнички возила, при што е причинета вкупна материјална штета од околу 11.000 евра“, информираат од полицијата.
На местото на настанот извршен е увид од увидна екипа на СВР Скопје, а за случајот е известен и надлежен јавен обвинител. Од МВР наведуваат дека се преземаат мерки за пронаоѓање на сторителот и за целосно расчистување на настанот.
Истрагата е во тек.
