Битола и овој понеделник, 29 декември, нуди разновидна празнична програма во рамки на „Зимска приказна“, со настани на повеќе локации низ градот, наменети за сите генерации.
Дневната програма на Старата чаршија започнува во 12 часот со настап на група Амалија, по што следуваат група Конзули од 13 до 14 часот и Модус бенд од 14 до 15 часот. Од 15 до 16 часот публиката ќе може да ужива во настапот на Чалче и Тајфата.
Вечерната програма на Офицерски дом започнува во 19 часот со новогодишна караоке-соба, која ќе трае до 22 часот. Во истиот термин, од 19:30 до 20:30 часот настапува Екстра бенд, од 20:30 до 21:30 е концертот на Деспина, а од 21:30 до 22:30 ќе настапи групата The Groove. Вечерта ќе биде заокружена со настап на Ѓоко Танески од 22:30 до полноќ.
На други локации низ градот, најмладите ќе имаат можност во 10 часот да се фотографираат со Дедо Мраз во ОУ „Кочо Рацин“ во Битола. Во 18 и 18:30 часот во Bliss Mall ќе се одржат детски театарски претстави „Новогодишна ноќ“ и „Снежна бајка“.
Во 19 часот во НУ Центар за култура, Големата сала, ќе се одржи новогодишен концерт на Државното музичко училиште, додека од 21:30 часот во Пионерскиот book bar ќе се одржи музички концерт на Stefanijazz. Празничната атмосфера ќе биде збогатена и со празничниот автобус со DJ BerryQyat, кој ќе сообраќа од 21 до 23 часот.
Организаторите најавуваат уште една вечер исполнета со музика, забава и новогодишен дух во Битола.
