Јужна и источна Шпанија се соочуваат со катастрофални последици од невремето оваа недела. Обилните дождови го парализираа секојдневниот живот, предизвикувајќи поплави кои однесоа автомобили и мотоцикли, оставија зад себе еден загинат и две лица водени како исчезнати. Најтешко погодени се Валенсија, Малага и Барселона, каде улиците се претворија во речни текови.
И додека Шпанија се бори со поројни дождови, Италија е заробена во снежна катастрофа. Во северните предели на Алпите, во само 24 часа наврнаа неверојатни 1,5 метра снег, целосно парализирајќи ги локалните заедници и креирајќи хаос во секојдневниот живот.
Природата ја покажува својата сурова страна, оставајќи го населението без одговор и принудувајќи ги властите на итни интервенции.
