Општина Пробиштип на денешната седница донесе одлука за обезбедување на дополнителни 400.000 денари, со што се комплетираа средствата потребни за операцијата на Кико, кои изнесуваат вкупно 36.500 евра.
Градоначалникот Тони Тоневски изрази благодарност до сите хумани граѓани и компании кои донираа средства, како и до советниците на Советот кои ја поддржаа одлуката за дообезбедување на средствата кои недостигаа.
„На Кико му посакуваме успешна операција, многу здравје и насмевки“, истакна Тоневски.
